Song 3 | NdeIBE | STEP | Ubusuku bonke ngisembhedeni wami ngamdinga lowo othandwa yinhliziyo yami; ngamdinga kodwa kangimfumananga.

Song of Solomon 3

1 Ubusuku bonke ngisembhedeni wami ngamdinga lowo othandwa yinhliziyo yami; ngamdinga kodwa kangimfumananga.

2 Sengivuka manje ngizulazule phakathi kwedolobho, emigwaqweni lasemagcekeni alo; ngizalibhudula ngidinga othandwa yinhliziyo yami. Kanjalo ngamdinga kodwa angaze ngamfumana.

3 Abalindi bangifica belokhu benquma phakathi kwedolobho. “Like lambona yini lowo othandwa yinhliziyo yami?”

4 Ngonela ukuthi sudu ngedlula kubo ngabe ngimbona othandwa yinhliziyo yami. Ngamnkonkotshela angaze ngamyekela ahambe ngaze ngamletha endlini kamama, endlini yakhe lowo owangizalayo.

5 Madodakazi aseJerusalema, ngiyaliyala ngezimpala langezimpalakazi zeganga; lingaluvusi lokuba liluphazamise uthando luze luzithandele.

6 Ngubani lo ozayo eqhamuka enkangala kungathi yisikhatha sentuthu, eziqhole ngamakha emure lenhlaka eyenziwe ngemihlobo yonke yezinongo zomthengisi?

7 Khangela! Yinqola kaSolomoni, isekelwe ngamabutho angamatshumi ayisithupha, angabathenjwa abayinqaba ko-Israyeli,

8 bonke begqize izinkemba enqulwini, bonke sebake bazilwa izimpi, ngulowo lalowo inkemba yakhe eceleni kwakhe, elungele izigemegeme zobusuku.

9 Inkosi uSolomoni yazenzela inqola leyo; yayenza ngezigodo zeLebhanoni.

10 Imijabo yayo yayenza ngesiliva, isisekelo sayo yasenza ngegolide. Isihlalo sayo yasithungela ngokuyibubende ingaphakathi yayo yaceciswa kuhle ngamadodakazi aseJerusalema.

11 Phumani phandle madodakazi aseZiyoni, libone iNkosi uSolomoni ithwele umqhele, umqhele eyawetheswa ngunina mhla welanga atshada ngalo, ilanga inhliziyo yakhe yathokoza ngalo.